पंकेश जाधव पुणे ब्यूरो चीफ
सामाजिक सुरक्षा विभाग, गुन्हे शाखा, पुणे शहर
पुणे :- कोरेगाव पार्क परिसरातील हॉटेल / पब मध्ये रात्री साउंड सिस्टीम वर मोठयाने संगीत वाजवले जात असलेल्या तक्रारींच्या अनुषंगाने दि. २३/११/२०२२ रोजी रात्री २२/१९ वा. पब्लीक हॉटेल येथे साउंड सिस्टीम सुरू असल्याची माहिती मिळाल्याने सामाजिक सुरक्षा विभाग गुन्हे शाखेच्या पथकाने सदर हॉटेल चेक केले असता पब्लीक रेस्टॉरंट अॅण्ड बार, पुणे या हॉटेल मध्ये मोठया आवाजात साउंड सिस्टिमवर संगित सुरू असल्याचे आढळल्याने, सदर हॉटेलवर कारवाई करून ०२,७०,०००/- रू किचे (दोन लाख सत्तर हजार ) किंमतीचे साऊंड सिस्टिम जप्त करण्यात आले असुन, पर्यावरण संरक्षण कायदा १९८६ अंतर्गत ध्वनी प्रदुषण (विनियमन व नियंत्रण सन २०००) अधिनियम अन्वये कारवाई करून ध्वनीप्रदुषण व पर्यावरण संरक्षण कायद्या अन्वये ध्वनीप्रदुषण नियमावली नुसार कारवाई करणेकामी मुद्देमाल (साऊंड सिस्टीम) कोरेगाव पार्क पोलीस स्टेशनच्या ताब्यात दिला आहे.
मागील दहा दिवसात सामाजिक सुरक्षा विभाग गुन्हे शाखेकडुन १ ) कोंढवा परिसरातील सिल्व्हर स्पुन हॉटेल २) विमानतळ परिसरातील ३ मस्कटेअर्स ३) कोरेगाव पार्क परिसरातील कोरा कॉकटेल बार अॅण्ड किचन ४ ) बंडगार्डन परीसरातील (राजाबहादुर मिल) मिलर्स लक्झरी क्लब ५)वन-८ कम्युनबार ६ ) कोरेगाव पार्क परिसरातील पब्लीक रेस्टॉरंट अॅण्ड बार अशा एकुण ०६ हॉटेलवर कारवाई करून एकुण ११,३९,००० /- रु किंचे साऊंड सिस्टीम जप्त करण्यात आले आहेत.
सदरची कारवाई श्री अमिताभ गुप्ता, मा. पोलीस आयुक्त, पुणे शहर, श्री. संदिप कर्णिक, मा. पोलीस सह आयुक्त, पुणे शहर, श्री. रामनाथ पोकळे, मा. अपर पोलीस आयुक्त, गुन्हे, पुणे, श्री. अमोल झेंडे, मा. पोलीस उप आयुक्त गुन्हे, पुणे यांचे मार्गदर्शनाखाली सामाजिक सुरक्षा विभागाचे वरिष्ठ पोलीस निरीक्षक विजय कुंभार तसेच सपोनि अश्विनी पाटील, सपोनि. अनिकेत पोटे, पोलीस अंमलदार राजेंद्र कुमावत, बाबा कर्पे, अजय राणे, मनिषा पुकाळे, आण्णा माने. इरफान पठाण. संदीप कोळगे, पुष्पेंद्र चव्हाण व अमित जमदाडे या पथकाने केली आहे.
