विश्वास त्रिभुवन, अहमदनगर जिल्हा प्रतिनिधी
राहुरी:- अहमदनगर मनमाड मार्गावरील राहुरी शहरातील सूतगिरणी जवळील कृषी उत्पन्न बाजार समितीच्या पेट्रोल पंपासमोर दुचाकीला अज्ञात ट्रॅक्टर ट्रेलरचा कट लागल्याने दुचाकी प्रवासी जागेवरच गतप्राण झाल्याची दुर्दैवी घटना समोर आली आहे. त्यामुळे सर्वत्र हळहळ व्यक्त करण्यात येत आहे.
सविस्तर माहिती अशी कि, अहमदनगर मनमाड मार्गावरून बाभुळगांव येथील मयत आबासाहेब बापूसाहेब ससाणे वय 28 वर्ष हे दुचाकी वरून पुणतांबा येथे आपल्या पत्नी, सासू व भाचा यांना घेऊन जात असताना राहुरी येथील सूतगिरणी जवळील बाजार समिती पेट्रोल पंपासमोर दुचाकीला अज्ञात डबल ट्रॅक्टर ट्रेलरचा कट बसून या अपघातात आबासाहेब बापुसाहेब ससाणे वय 28 हे जागेवरच ठार झाले. या अपघातात त्यांची पत्नी अंजली ससाणे ही गंभीर जखमी झाली असून तिच्यावर राहुरी फॅक्टरी येथील खाजगी रुग्णालयात उपचार सुरू आहेत. तर सासू मिराबाई वायदंडे व भाचा कार्तिक वायदंडे किरकोळ जखमी आहेत. घटना हि दिनांक 29 नोव्हेंबर 2022 रोजी दुपारी 12 वाजताच्या सुमारास घडली आहे.
