अनिल अडकिने, प्रतिनिधी
महाराष्ट्र संदेश न्युज! ऑनलाईन नागपूर:- तहसील ग्रामीण अंतर्गत येणाऱ्या सातनवरी टोली येथे संविधान दिनानिमित्त व बिरसा मुंडा जयंती व नवीन वर्षानिमित्त विदर्भ शाहीर कलाकार परिषदेचा भव्य दिव्य जिल्हास्तरीय मेळावा व सत्कार समारोह दामोदर सभागृह सातनवरी येथे आयोजित करण्यात आला. या कार्यक्रमाला विदर्भातून 42 कलावंत मंडळ व अनेक कलाकार सहभागी झाले होते. त्याचप्रमाणे या सभागृहात पत्रकारांचे सामाजिक ऋण फेडणाऱ्यांचे सत्कार करण्यात आले.
यात महाराष्ट्र संदेश न्युजचे विदर्भ ब्यूरो चीफ निर्भीड पत्रकार म्हणून कार्य करणारे युवराज मेश्राम यांचा विदर्भ शाहीर कलाकार परिषदेच्या वतीने सत्कार करण्यात आला. त्यांना सन्मान चिन्ह, शाल व सन्मान पत्र देण्यात आले. यावेळी नागपूर जिल्हा परिषद च्या जिल्हा व अध्यक्ष मुक्ताताई कोकरडे, जिल्हा परिषद सदस्य सलील बाबू देशमुख, शाहीर कलाकार परिषदेचे केंद्रीय अध्यक्ष मनीषजी भिवगडे, शाहीर कलाकार परिषदेचे कार्याध्यक्ष अलंकार टेंभुर्णे, राजकुमार घुले अध्यक्ष बहुजन ओबीसी महासंघ, पीपल्स रिपब्लिकन पार्टीचे नागपूर जिल्हाध्यक्ष नरेंद्र डोंगरे, वृद्ध कलावंत मानधन समितीचे माजी सदस्य मनोहर धनगरे, दयालजी कांबळे जिल्हाध्यक्ष, गीत गायक राहुल वानखेडे, प्रख्यात शाहीर यादवराव कानोलकर , उर्मिलाताई वाडी, शाहीर ज्ञानेश्वर तायवाडे , नथुजी ढोक, त्याचप्रमाणे तालुका व जिल्ह्यातील बहुसंख्य कलाकार व श्रोतागन उपस्थित होते.
या कार्यक्रमाचे प्रास्ताविक भाषण विदर्भ शाहीर कलाकार परिषद नागपूर ग्रामीण तालुका अध्यक्ष गौरीशंकर गजभिये यांनी केले. कार्यक्रमाचे संचालन कळमेश्वर तालुका अध्यक्ष अरुणभाऊ वाहने यांनी केले. तर आभार प्रदर्शन नागपूर तालुका महासचिव संजयजी खांडेकर यांनी केले. हा कार्यक्रम यशस्वी ते करता दिलीप आस्कर, प्रभाकर निंबाळकर, प्रभाताई निंबाळकर निर्मलाताई माहुलकर पुरुषोत्तमजी कुंभे यांनी कार्य केले.
