अनिल अडकिने सावनेर तालुका प्रतिनिधी
मोबा नं. -9822724136
महाराष्ट्र संदेश न्युज ! ऑनलाईन
सावनेर:- वैशाली बौद्ध विहार पंच कमिटी वाघोडा येथे भव्य भजन गायन सम्मेलन उत्साहात संपन्न दरवर्षीप्रमाणे 6 डिसेंबर रोजी भारतीय घटनेचे शिल्पकार बोधीसत्व परमपूज्य विश्वरत्न डॉ. बाबासाहेब आंबेडकर यांच्या 66 व्या महापरीनिर्वाण दिनानिमित्त भगवान बुद्ध, डॉ. बाबासाहेब आंबेडकर, रमाई आंबेडकर, माईसाहेब आंबेडकर, सावित्रीबाई ज्योतिबा फुले यांच्या जीवन कार्यावर 7 व 8 डिसेंबर ला भव्य भजन गायन संमेलनाचे आयोजन उत्साहात संपन्न झाले.
या कार्यक्रमाचे उद्घाटन 7 डिसेंबर ला सायं. 8.30 वाजता नामदेवरावजी गजभिये यांच्या हस्ते करण्यात आले व भजनाच्या कार्यक्रमाला सुरुवात झाली. या कार्यक्रमाला नागपूर जिल्ह्यातील 15 भजन मंडळी उपस्थित होती. यावेळी भजन मंडळांनी सामाजिक प्रबोधनात्मक भजन गाऊन सर्व नागरिकांना प्रबोधन केलं.
8 डिसेंबरला मारुती मुळूक पोलीस निरीक्षक सावनेर यांच्या अध्यक्षतेत तसेच मुख्य अतिथी सेवकरामजी राऊत कार्यकारी संपादक दैनिक निर्भीड, रामरावजी मोवाडे भाजपा अध्यक्ष नगर विकास आघाडी नागपूर, प्रा.संदीपजी भोंगाडे अध्यक्ष सहकार भारती सावनेर तालुका, युवराज मेश्राम महाराष्ट्र संदेश न्युज विदर्भ ब्युरो चिप, अनिल अडकिने पत्रकार तसेच प्रमुख पाहुणे मारुती वासाडे- सहाय्यक अभियंता भानेगाव शिंगोरी उपक्षेत्र, अशोकभाऊ निंबाळकर, उत्तमभाऊ बागडे राष्ट्रवादी काँग्रेस जिल्हा सचिव, शिवमंगल पाल, गुणवंता लांजेवार, वैभव ढवळे, प्रा. माधुरी बारमासे, शांतारामजी ढोके, चंद्रमणी सोमकुवर, राकेश भाटी, राजूभाऊ गजभिये, रवी काका गजभिये यांची प्रमुख उपस्थितीती होती.
या भजन स्पर्धाची दोन गटात विभागणी केली होती त्यात तबला पेटी गटात – प्रथम क्र. 7000 पंचशील गायन पार्टी सावंगी, दुसरा क्र-6000 जय भीम गायन पार्टी मूर्ती, तिसरा क्र- 5000 धम्म कमिटी भजन मंडळ हेटी, चौथा क्र-4000 पंचशील गायन पार्टी जलालखेडा तसेच टाळ पखवाद गटात अनुक्रमे १) 5000 आदर्श भजन मंडळ गुजरखेडी, २) 4000 पंचशील भजन मंडळ पानउबाळी, ३) 3000 रमाई भजन मंडळ शिंदेवाणी, 4) 2500 धम्मदान भजन मंडळ पटकाखेडी. यांना मान्यवरांच्या हस्ते सत्कार व बक्षीस वितरण करण्यात आले.
या कार्यक्रमात जास्तीत जास्त भजन कलावंतांनी या संमेलनात उपस्थित राहून बौद्ध धम्माचा जनजागृती करण्यासाठी प्रसार व प्रचारात सहयोग करून कार्यक्रमाच्या लाभ घेतला. या कार्यक्रमाचे मुख्य आयोजक सेवकभाऊ सोमकुवर बौद्ध उपासक व उपासिका व गावकरी मंडळी मोठ्या प्रमाणात उपस्थित होते. प्रास्ताविक गजभिये मॅडम यांनी केले तर आभार प्रदर्शन सरपंच भागवतजी बागडे यांनी केले.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
