✒️वैशाली गायकवाड उपसंपादक (पुणे)
महाराष्ट्र संदेश न्युज ! ऑनलाईन पुणे:- आगामी पुणे महापालिका निवडणुका बघता सर्व राजकीय पक्ष कामाला लागले आहे. पण निवडणुकीपूर्वी राज ठाकरे यांच्या महाराष्ट्र नवनिर्माण सेनेला पुण्यात मोठा झटका बसला आहे. मनसेच्या पुणे माथाडी कामगार आघाडीचे जिल्हाध्यक्ष निलेश माझिरे यांच्यासह तब्बल 400 पदाधिकाऱ्यांनी मनसेला जय महाराष्ट्र केला आहे. त्यामुळे मनसे मध्ये काहीच अलबेल नाही असे चित्र दिसून येत आहे.
निलेश माझीरे यांची महाराष्ट्र नवनिर्माण सेनेच्या माथाडी जिल्हाध्यक्ष पदावरून हकालपट्टी करण्यात आली होती. त्यानंतर नाराज असलेल्या माझिरे यांनी पदाचा राजीनामा दिला. आता त्यांनी 400 कार्यकर्त्यांसह मनसेला जय महाराष्ट्र केल्याने आगामी काळात होणाऱ्या महानगर पालिका निवडणुकीच्या तोंडावर पक्षाला मोठा धक्का बसला आहे. निलेश माझिरे आता कोणत्या पक्षात जाणार याकडे सर्वांचे लक्ष लागले आहे.
दरम्यान, वसंत मोरे गेल्या काही दिवसापासून मनसेत नाराज असल्याची चर्चा सुरु आहे. त्यातच पुण्यातील एका विवाह सोहळ्यात राष्ट्रवादी काँग्रेसचे नेते आणि राज्याचे विरोधी पक्षनेते अजित पवार यांनी त्यांना थेट ऑफर दिली. “तात्या कधी येता. वाट पाहतोय,” असे म्हंटले. अजित पवारांच्या वक्तव्याला वसंत मोरे यांनी देखील दुजोरा दिला होता. त्यामुळे पुण्यात मनसेला आणखी हादरा बसणार का हे आगामी काळातच कळेल.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
