✒️श्याम भुतडा, बीड जिल्हा प्रतिनिधी
महाराष्ट्र संदेश न्युज ! ऑनलाईन
बीड:- जिल्हातून एक संतापजनक घटना समोर आली आहे. लिफ्ट देण्याच्या बहाण्याने दोन विवाहित बहिणी पैकी एका गर्भवती महिलेवर अत्याचार केल्याची घटना नांदुरफाटा ते अंमळनेर रोड दरम्यान मंगळवारी रात्री साडेआठच्या दरम्यान घडली आहे. अंमळनेर पोलिस ठाण्यात पिडीत महिलेच्या फिर्यादीवरून दि. 14 ला पहाटे तिघांविरुद्ध गुन्हा दाखल करण्यात आला आहे.
बिड जिल्हातील पाटोदा तालुक्यातील एक गावात आईला भेटण्यासाठी शेवगाव येथून दोन विवाहीत बहिणी आल्या होत्या. मंगळवारी रात्री आईची भेट घेऊन या दोघी शेवगावला जाण्यासाठी निघाल्या. डोंगरकिंन्ही मार्गावर नांदुरफाटा येथे वाहनांची वाट पहात थांबल्या असता तिथे एक वाहन येऊन थांबले. मी तुम्हाला शेवगावला सोडतो म्हणून चालकाने दोघींना वाहनात बसवले. यावेळी गाडीत पूर्वीच तिघे बसलेले होते. थोडे पुढे गेल्यानंतर त्यातील एकाने दोन्ही बहिणी पैक्की 25 वर्षीय गर्भवती महिलेवर अत्याचार केला. त्यानंतर दोघींना रस्त्यावर सोडून तिघे फरार झाले.
दरम्यान, पिडीतेने अंमळनेर पोलिसांना फोन करून आपबिती सांगितली. पोलिसांनी लागलीच पिडीतेने सांगितलेल्या ठिकाणी धाव घेतली. त्यानंतर पिडीत महिलेला अंमळनेर आरोग्य केंद्रात तपासणीसाठी आणले. पुढील वैद्यकिय चाचणीसाठी पिडीतेस बीडच्या शासकिय रुग्णालयात दाखल करण्यात आले आहे. या प्रकरणी पुढील तपास पिंक पथकाच्या पोलीस उपनिरीक्षक यांच्याकडे चौकशी आणि तपासासाठी देण्यात आले आहे. या घटनेचा तपास पोलीस करत आहे. लवकरच आरोपीला अटक करण्यात येणार अशी माहिती पोलिस निरीक्षक यांनी दिली.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
