मानवेल शेळके, नाशिक जिल्हा प्रतिनिधी
महाराष्ट्र संदेश न्युज ! ऑनलाईन नाशिक:- नाशिक-औरंगाबाद महामार्गावर कोटमगाव शिवारात स्पीड ब्रेकरमुळे दोन वाहनांचा भीषण अपघात झाला आहे. या अपघातात चार महिला गंभीर जखमी झाल्या असून त्यांना उपचारासाठी रुग्णालयात दाखल करण्यात आले.
प्राप्त माहितीनुसार, औरंगाबाद मधील बिडकीन येथे धार्मिक कार्यासाठी जात असलेल्या वाहनाचा देवीचे कोटमगाव येथे वळणावर असलेल्या स्पीडब्रेकरमुळे भीषण अपघात झाला आहे. त्यात चार महिला गंभीर जखमी झाल्या असून लक्ष्मी विजय प्रजापती राहणार लासलगाव, पूजा आहेर आणि मंदाबाई प्रभाकर गायकवाड, मालताबाई मधुकर बागुल तिघी राहणार मनमाड या चार महिला जखमी झाल्या असून यात मंदाबाई गायकवाड यांच्या पायाला गंभीर इजा झाली आहे. त्यांना पुढील उपचारासाठी नाशिक येथे हलविण्यात आल्याची माहिती सूत्रांनी दिली आहे. सदरचा अपघात हा स्पीड ब्रेकरमुळे झाला असून स्पीड ब्रेककरवर कोणत्याही प्रकारचे रंगाचे पट्टे नसल्यामुळे हा अपघात झाला असे बोलले जात आहे.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
