मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिरोली:- जिल्हातील अहेरी तालुक्यातील तीन ग्रामपंचायत निवडणुकीत आज मतदान झाले. त्यामुळे आज उमेदवाराचे भाग्य ईविएम मध्ये बंद झाले. आज वांगेपल्ली, वष्ट्रा व कीष्टापूर (दौंड) या तीन ग्रामपंचायतीमध्ये 2593 मतदारांपैकी 2053 मतदारांनी सकाळी सात ते तीन वाजेपर्यंत मतदान केल्याने सरासरी 79.17 प्रतिशत मतदान झाले.
यात वांगेपल्ली ग्रामपंचायतीमध्ये 82.52 व वट्रा ग्रामपंचायतीमध्ये 84.73 तर कीष्टापूर दौंड ग्रामपंचायत मध्ये 70.66 टक्के मतदान झाल्याची माहिती तहसील कार्यालयातून प्राप्त आहे. वांगेपल्ली ग्रामपंचायत मधील तीन मतदान केंद्रावर मतदान झाले. 657 स्त्री मतदारांपैकी 531 मतदान तर पुरुष 653 मतदार असून त्यांच्यापैकी 550 मतदान झाले असून एकूण 1310 मतदारांपैकी 1081 मतदान होऊन त्याची टक्केवारी 82.52 प्रतिशत मतदान झाल्याची आहे.
वटरा खुर्द ग्रामपंचायत अंतर्गत सुद्धा तीन मतदान केंद्रावर मतदान झाले. यात 231 स्त्री व 234 पुरुष मतदारांपैकी अनुक्रमे 194 स्त्री व दोनशे पुरुष मतदारांनी मतदानाचा आपला हक्क बजावला. यात एकूण 465 मतदारांपैकी 394 मतदारांनी निवडणुकीत आपला मतदानाचा हक्क बजावला असून 84.73 प्रतिशत तेथे मतदान झाले.
तसेच किस्टापुर ( दौंड) ग्रामपंचायत येथील 393 स्त्री व 425 पुरुष मतदारांपैकी 265 स्त्री व 313 पुरुष मतदारांनी ग्रामपंचायत निवडणुकीत मतदान केले. एकूण 818 मतदारांपैकी 578 मतदारांनी मतदान केल्याने 70.66 प्रतिसाद मतदान झाले.
तालुक्यातील तीनही ग्रामपंचायत मध्ये शांततेत मतदान झाल्याची माहिती निवडणूक अधिकाऱ्याकडून प्राप्त आहे.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
