सामान्य प्रशासन उपसचिवांच्या केबिनमध्येच बोगस भरतीच्या उमेदवारांच्या मुलाखती.
✒️राज शिर्के मुंबई पवई प्रतिनिधी
महाराष्ट्र संदेश न्युज! ऑनलाईन
मुंबई:- सध्या महाराष्ट्रात “आंधळा दळतो आणि कुत्रा पीठ खातो” अशी स्थिती झाली आहे. तुम्ही आयकल असेल नौकरीच्या नावाने अनेक मुलाची फसवणूक झाल्या बदल, पण जेव्हा महाराष्ट्र राज्याच्या मंत्रालयात बोगस नौकरी भरतीच्या मुलाखाती घेण्यात आला असेल तर, मग विश्वास ठेवायचा कुणावर?
मुंबई मंत्रालयातून बोगस लिपिक भरती रॅकेट समोर आले आहे. यात राज्यभरातील अनेक तरुण तरुणी या रॅकेटच्या जाळ्यात फसल्याची माहिती सूत्रांकडून समोर येत आहे. त्यामुळे संपूर्ण राज्यात एकच खळबळ उडाली आहे. या बोगस लिपिक भरती रॅकेटमधील पसार आरोपी महेंद्र सकपाळलाही गुन्हे शाखेच्या कक्ष सहाने बेड्या ठोकल्या आहेत.
राज्यभरातील अनेक तरुण तरुणी या बनवत नोकरी भरतीच्या रॅकेटच्या जाळ्यात फसल्याचा संशय असून त्यानुसार, गुन्हे शाखा अधिक तपास करत आहे. धक्कादायक बाब म्हणजे, सामान्य प्रशासन उपसचिवांच्या केबिनमध्येच उमेदवारांच्या मुलाखती घेतल्याचे समोर आले आहे.
गुन्हे शाखेच्या कक्ष ६ ने आतापर्यंत मंत्रालयात शिपाई पदावर असलेल्या सचिन डोळस याच्यासह महादेव शिरवाळे, नितीन साठे यांना अटक केली आहे. बुधवारी सकपाळलाही अटक करण्यात आली. तो इस्टेट एजेंट म्हणून काम करतो, तर शिरवाळे हा दलाल म्हणून काम करतो. सकपाळच्या संपर्कातूनच ही मुले या टोळीच्या जाळ्यात अडकली होती. सध्या चारही जण २७ तारखेपर्यंत पोलिस कोठडीत आहेत.
सचिन डोळसने २०१९ मध्ये मंत्रालयातील ६ व्या मजल्यावर असलेल्या उपसचिवांकडे शिपाई पदावर कार्यरत असताना हा प्रताप केल्याची माहिती समोर येत आहे. तत्कालीन उपसचिवांच्या गैरहजेरीत तो नितीन साठेला सचिव असल्याचे भासवून त्यांच्या केबिनमध्ये उमेदवारांच्या मुलाखती घेत होता. उपसचिवांना बढती मिळाल्यानंतर, डोळसला सातव्या मजल्यावर हलवण्यात आले. त्याच्याविरोधात कारवाई करण्याची प्रक्रियाही सुरू झाल्याचे समजते आहे. साठे हा खासगी कंपनीत नोकरीला आहे.
आपली फसवणूक झाली आहे का?
बोगस नोकरी भरतीच्या या रॅकेटच्या जाळ्यात तुमचीही फसवणूक झाली असल्यास तक्रारीसाठी पुढे येण्याचे आवाहन गुन्हे शाखेकडून करण्यात येत आहे. आतापर्यंत ११ तक्रारदार पुढे आले आहेत. यात अजुन मोठ्या प्रमाणात संख्या वाढू शकते.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
