नितीन शिंदे मुंबई महानगर प्रतिनिधी
महाराष्ट्र संदेश न्युज ! ऑनलाईन मुंबई:- जगभरात नाताळ सण साजरा होत आहे व याच दिवशी दिनांक २५ डिसेम्बर २०२२ ला सम्यक ज्योती सामाजिक संस्थेच्या संस्थापिका / अध्यक्षा ज्योती किरतकुडवे (साबळे) यांनी त्यांच्या वाढदिवसानिमित दिवा येथील ‘अपना घर’ या वृद्धाश्रमाला भेट देऊन आपला वाढदिवस साजरा केला.
यावेळी ज्योतीताईंनी वृद्धाश्रमातील वृद्धांना ब्लँकेट्स देऊन बिस्किटांचे वाटप सुद्धा केले. ‘अपना घर’ या वृध्दाश्रमाचे अध्यक्ष सुधीर जाधव यांच्याशी वृद्धाश्रमातील वृद्ध यांच्या आरोग्याबाबत विचारणा ही केली.
प्रत्येक माणूस हा स्वतःसाठी जगतच असतो, पण सामाजिक बांधिलकी जपली गेली पाहिजे आणि माणुसकी टिकवली गेली पाहिजे म्हणून प्रत्येकाने गरीब व गरजुंना आपापल्या कुवतीप्रमाणे मदत करायला हवी, असे ज्योती ताई यावेळी म्हणाल्या.
‘जे का रंजले गांजले त्यांसी म्हणे जो आपुले
तोचि साधू ओळखावा देव तेथेचि जाणावा’ हे संतांचे वचन ध्यानी ठेवून मी सामाजिक काम करत आहे असेही ज्योती ताई म्हणाल्या.
याप्रसंगी सम्यक ज्योती सामाजिक संस्थचे खजिनदार किरण किरतकुडवे, ‘अपना घर’ या संस्थेचे अध्यक्ष सुधीर जाधव तसेच कुमार आर्यन किरतकुडवे उपस्थित होते.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
