✒️प्रविण जगताप, हिंगणघाट प्रतिनिधी
मो .9284981757
महाराष्ट्र संदेश न्युज ! ऑनलाईन वर्धा, दि.30:- भारत निवडणूक आयोगाने महाराष्ट्र विधान परिषदेच्या दोन पदवीधर मतदारसंघ आणि तीन शिक्षक मतदारसंघ अशा एकूण पाच मतदारसंघांसाठी द्वैवार्षिक निवडणूकीचा कार्यक्रम जाहीर केला आहे. नाशिक व अमरावती विभाग पदवीधर तसेच कोकण, औरंगाबाद आणि नागपूर विभाग शिक्षक मतदार संघासाठी 30 जानेवारी रोजी निवडणुक होणार आहे. या निवडणूकीची आचारसंहिता संबंधित पदवीधर आणि शिक्षक मतदारसंघात लागू करण्यात आली आहे.
निवडणूक कार्यक्रम पुढीलप्रमाणे- गुरुवार दि. 5 जानेवारी रोजी निवडणूकीची अधिसूचना जारी करण्यात येईल. गुरुवार दि.12 जानेवारी ही नामनिर्देशन पत्र दाखल करण्याची शेवटची तारीख असेल. शुक्रवार दि. 13 जानेवारी रोजी नामनिर्देशन पत्रांची छाननी होईल. सोमवार दि.16 जानेवारी ही नामनिर्देशन पत्र मागे घेण्याची अंतिम तारीख असेल. सोमवार दि.30 जानेवारी रोजी सकाळी 8 ते दुपारी 4 वाजेपर्यंत मतदान होणार असून गुरुवार दि.2 फेब्रुवारी रोजी मतमोजणी होईल.
