रूपसेन उमराणी, मुंबई ब्यूरो चीफ
मोबा. 8879543235
महाराष्ट्र संदेश न्युज ! ऑनलाईन सांगली:- जिल्हातील जत तालुक्यातील उमराणी गावचे सुपुत्र आणि उमराणी गावचे माजी पंचायत समिती सदस्य आणि ज्येष्ठ सामाजिक कार्यकर्ते रामू चंद्रप्पा उमराणी यांच्या पहिल्या पुण्यतिथी दिनानिमित्त अभिवादनाचा कार्यक्रम आयोजित करण्यात आला होता.
महाराष्ट्र संदेश न्युजचे मुंबई ब्यूरो चीप रूपसेन उमराणी यांचे वडील स्मृतीशेष रामू चंद्रप्पा उमराणी हे सांगली जिल्हातील जत तालुक्यातील उमराणी गावचे ग्रामपंचायत सदस्य म्हणून त्यांचा विविध सामाजिक कार्यात त्यांचा सहभाग होता. ते महात्मा फुले, शाहू महाराज, डॉ. बाबासाहेब आंबेडकर यांच्या विचारांवर चालणारे कार्यकर्ते म्हणून सर्वदूर परिचित होते. यांचे 2 जानेवारी 2022 ला अल्पशा आजाराने निधन झाले होते. त्यानिमित्ताने मुंबई येथे पहिली पुण्यतिथी निमित्त आदरांजली वाहण्यात आली आणि यावेळी विविध सामाजिक क्षेत्रातील कार्यकर्ते उपस्थित होते.
यावेळी उपस्थित असलेल्या मान्यवरांनी त्यांचा कार्यावर प्रकाश टाकला. त्यांना आदरांजली वाहत स्मृतिशेष रामू चंद्रप्पा उमराणी यांच्या आत्म्यास शांती लाभो अशी वंदना केली. एक वर्षा अगोदर स्मृतीशेष रामू चंद्रप्पा उमराणी यांचे निधन झाल्याने उमराणी परिवारात मोठ्या प्रमाणात हानी झाली त्या दुःखात महाराष्ट्र संदेश न्युज परिवार सहभागी आहे.
