अनिल कडू हिंगणघाट विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- हिंगणघाट मुस्लिम प्रीमियर लीग (HMPL) सीजन 2 ला उत्साहात प्रारंभ झाला. या क्रिकेट स्पर्धेत एकूण 8 संघ सहभागी असून, त्यांना दोन गटांमध्ये विभागले गेले आहे. प्रत्येक संघ गट स्तरावर चार सामने खेळणार आहे. ही स्पर्धा केवळ क्रिकेटपुरती मर्यादित नसून, समाजातील तरुणांना खेळाशी जोडणे, त्यांचा शारीरिक व मानसिक विकास घडवणे आणि तंत्रज्ञानाच्या आभासी जाळ्यात अडकलेल्या तरुणांना मैदानी खेळाकडे वळवण्यासाठी महत्त्वाचे पाऊल आहे.
स्पर्धेच्या पहिल्या दिवशी चार सामने खेळले गेले. पहिल्या सामन्यात थंडर स्ट्रायकर आणि बाबा वॉरियर्स आमने सामने आले, ज्यामध्ये बाबा वॉरियर्स संघाने विजय मिळवला. दुसऱ्या सामन्यात मुजीब ज्वेलर्स विरुद्ध फॅशन पॉइंट रायडर्स आमने-सामने आले आणि फॅशन पॉइंट रायडर्सने हा सामना जिंकला. तिसऱ्या सामन्यात हॅलो हिटर्स आणि खान फायटर्स यांच्यात जोरदार लढत झाली, ज्यामध्ये हॅलो हिटर्स संघ विजयी ठरला. चौथा आणि शेवटचा सामना इम्रान प्रिन्स 11 आणि विदर्भ 11 यांच्यात झाला, ज्यामध्ये इम्रान प्रिन्स 11 संघाने विजय मिळवत दमदार सुरुवात केली.
या स्पर्धेला शहरभरात मोठा प्रतिसाद मिळत असून, प्रेक्षक मैदानावर उपस्थित राहून सामन्यांचा आनंद घेत आहेत. तसेच, लाईव्ह टेलिकास्टच्या माध्यमातून घरी बसून ही ही रोमांचक स्पर्धा पाहण्याची संधी मिळत आहे. स्पर्धेत भाग घेतलेल्या खेळाडूंनी या आयोजनाचे कौतुक केले असून, यामुळे केवळ खेळाची संधी नाही, तर एकमेकांमध्ये बंधुभाव वाढण्यास मदत होत असल्याचे मत त्यांनी व्यक्त केले.
ही स्पर्धा एकूण चार दिवस चालणार असून, दररोज रोमांचक सामने रंगणार आहेत. आता पाहण्यासारखे असेल की, या सिझनचे विजेतेपद कोणता संघ पटकावतो.
