सौ. हनिशा दुधे, बल्लारपूर तालुका प्रतिनिधी मो.9764268694
महाराष्ट्र संदेश न्युज ! ऑनलाईन राजुरा:- वयोवृद्ध निराधार महिलांना नियतीच्या खेळामुळे तर कधी रक्ताच्या नात्यांनी दूर सारले जाते तेव्हा शेवटच्या क्षणी आधार मिळतो तो वृद्धाश्रमाचा, सामाजिक न्याय व अधिकारात मंत्रायल भारत सरकारने वृद्धाश्रमाला मान्यता देऊन या ठिकाणी वृद्धांची व्यवस्था केली जात आहे. असेच भारत सरकारची मान्यता असलेले तालुक्यातील चिंचोली खुर्द येथील महात्मा ज्योतिबा फुले वृद्धाश्रमात तीस महिला राहत असून नुकतीच त्यांची आरोग्य तपासणी प्राथमिक आरोग्य उपकेंद्र कढोली यांच्या वतीने करण्यात आली व यावेळी कपड्यांचे वाटप सुद्धा त्यांना केल्या गेले.
कै. वसंतराव नाईक बहुउद्देशीय ग्रामीण विकास संस्था चिंचोली (खुर्द) द्वारा संचालित महात्मा ज्योतिबा फुले जेष्ठ नागरिक (महिला) गृह असून याठिकाणी तीस महिला वास्तव्याने राहत आहे. त्यांच्या आरोग्याच्या दृष्टीकोनातून प्राथमिक आरोग्य उपकेंद्र कढोली येथील डॉक्टर झिलकुमार दुधे, ए. एस. ढोले यांनी महिलांच्या आरोग्यासंबंधी मार्गदर्शन करीत आरोग्य तपासणी केली. थंडीचे दिवस असल्यामुळे वृद्ध महिलांना उबदार कपड्यांचे वाटप करण्यात आले.
यावेळी संस्थेचे अध्यक्ष दादाराव सोळंके मुख्याध्यापक, वृद्धाश्रमाचे अधीक्षक विजय हजारे, चिंचोळीचे उपसरपंच विजय मिलमिले, शिक्षक रवींद्र गोरे, संतोष वडस्कर, सुधीर मुनघाटे, प्रवीण गुडपल्ले, अशोक पवार, राजू मडावी, कपिल बोप्पनवार, साहिल सोळंके, आशिष जाधव, साधना डाहूले, मालू टोंगे, नयना साळवे, सचिन मोरे सह गावातील नागरिक उपस्थित होते.
