निखिल पिदूरकर, कोरपणा तालुका प्रतिनिधी
मुंबई, दि.18 सप्टेंबर:- राष्ट्रसंत तुकडोजी महाराजांवर एक चांगला चित्रपट निर्माण होणे आवश्यक असल्याचे प्रतिपादन आज सांस्कृतिक मंत्री ना.श्री. सुधीर मुनगंटीवार यांनी सांगितले.
सह्याद्री अतिथीगृहात आज विविध कलाकारांची सदिच्छा भेट घेतल्यानंतर ते बोलत होते. याविषयात काम करणाऱ्या श्रीमती अलका कुबल यांच्याशी चर्चा करताना ना.श्री. सुधीर मुनगंटीवार यांनी या चित्रपटा संदर्भातील कल्पनांची देवाणघेवाण केली. हा चित्रपट माहितीने अचुक होण्यासाठी तसेच दर्जाने उत्तम होण्यासाठी राज्य शासन योग्य ती मदत करेल असेही यावेळी ना.श्री. मुनगंटीवार यांनी सांगितले. पुढच्या वर्षी 14 ऑक्टोबर रोजी या चित्रपटाचे प्रकाशन व्हावे अशी अपेक्षाही त्यांनी यावेळी व्यक्त केली.
