मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- हिंगणघाट शहरातील राममंदिर वार्डातील श्री.राम मंदिर हे पुरातन असून या श्री.राम मंदीराला मोठ्या प्रमाणात भक्तांनी दान स्वरूपात मोठ्या प्रमाणात शेती,दागदागीने, दुकान गाळे, रोख रक्कम दिलेली आहे.या गोष्टी किती स्वरूपात उपलब्ध आहे व कोणकोणत्या व्यक्ती कडे आहे याची सविस्तर माहिती देण्यात यावी अशी मागणी उपविभागीय अधिकाऱ्यांकडे आज दि 3 मार्चला सुनील डोंगरे मित्र परिवाराच्या वतीने करण्यात एका निवेदनातून करण्यात आलेली आहे.
सदर निवेदनातून दिलेल्या माहितीनुसार, करोडो रुपयाची मालमत्ता असलेले श्री.राम मंदिर हे जीर्ण अवस्थेत आहे व त्या अनुषंगाने जीर्णोद्धार करणे गरजेचे आहे व शहरातील सर्व श्री.राम भक्तांना या मंदिराची मालमत्ता किती आहे याची माहिती अवगत होणे गरजेचे आहे. विषयांचे गांभीर्य लक्षात घेऊन उपविभागीय अधिकारी यांना निवेदन देऊन धर्मदाय आयुक्त यांच्या मार्फत माहीती मागवून ती सार्वजनिक करावी व श्री.राम भक्तांना न्याय अशी मागणी निवेदनातून करण्यात आलेली आहे.
सदर निवेदन सादर करतेवेळी, सुनील डोंगरे, दर्शन बाळापुरे, सुनील आष्टीकर, राहुल शिंगरू, राहुल दारुणकर, श्रीकांत भगत, अभिमन्यू मकरे, शेखर जाधव, संदीप निबाळकर, अभय खोब्रागडे, नितीन क्षीरसागर, दीपक जोशी, दीपक चांगल, रुपेश लाजूरकर, बाबू रूपारेल, सुरेश मुंजेवार, दिलीप ठाकरे, जय वानखेडे, प्रकाश राऊत, जितू मोटवाणी सह व असंख्य रामभक्त उपस्थित होते.
