आसमा सय्यद पुणे जिल्हा प्रतिनिधी
महाराष्ट्र संदेश न्युज ! ऑनलाईन पुणे:- हडपसर येथून एक खळबळजनक घटना समोर आली आहे. येथे अनैतिक संबंधात अडथळा ठरणाऱ्या आपल्याच पतीचा पत्नीने आपल्या प्रियकराच्या मदतीने हत्या केली. पतीचा गळा आवळून हत्या केल्यानंतर त्याचा मृतदेह प्लॅस्टिकच्या पोत्यात भरून तो निरा नदी पात्रात फेकून देण्यात आला. सिद्धेश्वर भिसे असे हत्या करण्यात आलेल्या व्यक्तीचे नाव आहे.
आपल्याच पतीची हत्या केल्याप्रकरणी योगिता भिसे आणि तिचा प्रियकर शिवाजी बसवंत सुतार या आरोपींना पोलिसांनी बेड्या ठोकल्या असून आरोपी पत्नीने प्रियकराच्या मदतीने आपण पतीचा काटा काढल्याची कबुली पोलिसांना दिली आहे. विशेष म्हणजे आपल्या पतीची हत्या केल्यानंतर सिद्धेश्वर याच्या पत्नीनेच आपला पती बेपता असल्याची तक्रार पोलिसात दाखल केली होती.
पोलिसांनी दिलेल्या माहितीनुसार, आरोपी योगिता भिसे आणि शिवाजी सुतार यांच्या मध्ये मागील अनेक दिवसांपासून अनैतिक संबंध होते. मात्र या दोघांच्या अनैतिक संबंधात योगिताचा पती अडथळा ठरत होता. त्यामुळे पत्नी आणि तिच्या प्रियकराने पतीचा काटा काढण्याचे ठरवले.
3 मार्च 2025 रोजी हडपसर येथील घरात आरोपी पत्नीने आपल्या प्रियकराच्या मदतीने पतीची गळा आवळून हत्या केली. त्यांतर साड्यांच्या कापडांनी हात-पाय बांधून त्याचा मृतदेह प्लास्टिकच्या गोणीत भरला. पतीचा मृतदेह दुचाकीवरून भोर जवळ असणाऱ्या सारोळा परिसरातील नीरा नदीपात्रात फेकून दिला.
याप्रकरणी राजगड पोलिसांनी योगिता भिसे, आणि तिचा प्रियकर शिवाजी सुतार या आरोपींना बेड्या ठोकल्या आहे. राजगड पोलिसांनी मृताच्या अंगावर असणाऱ्या शर्टच्या टॅग वरून आणि त्याच्या हातावरील गोंदवलेल्या खुणेवरुन ॐ च्या टॅटू वरून मृतकाची ओळख पटवली. अनैतिक प्रेम संबंधामध्ये अडथळा ठरत असल्यानेच ही हत्या केल्याचे पोलीस तपासात उघडकीस आले आहे.
