गुणवंत कांबळे, मुंबई शहर प्रतिनिधी
महाराष्ट्र संदेश न्युज ! ऑनलाईन मुंबई:- सिंधुदुर्ग जिल्ह्यात एकात्मतेचे दर्शन घडविणारे कुशल संघटक आणि सामाजिक, धाम्मिक कार्यात, चळवळीत स्वतःला झोकून देणारे निष्ठावंत, झुंजार, प्रेरणादायी व्यक्तीमत्व, सिंपन प्रतिष्ठान मुंबई सिंधुदुर्ग’चे सरचिटणीस बाळकृष्ण जाधव यांना तेजस्वी फाऊंडेशन ठाणे या संस्थेच्यावतीने अत्यंत प्रतिष्ठेचा राज्यस्तरीय तेजस्वी समाजभूषण पुरस्कार सन्मानपूर्वक प्रदान करण्यात आला. यावेळी तेजस्वी फाऊंडेशनच्या फाऊंडर प्रा. प्रज्ञा पंडित यांच्यासह विविध क्षेत्रातील अनेक दिग्गज मंडळी उपस्थित होती.
मराठी ग्रंथ संग्रहालय, ठाणे येथे तेजस्वी फाऊंडेशनच्या वतीने शनिवार २२ मार्च २०२५ रोजी आयोजित तेजस्वी सन्मान सोहळ्यात विविध क्षेत्रात उल्लेखनीय कार्य करणाऱ्या कर्तृत्ववान व्यक्तींचा सन्मान करण्यात आला. बाळकृष्ण जाधव यांच्या कार्याची दखल घेऊन रेन्मार्क इंडिया प्रायव्हेट लिमिटेडचे संस्थापक आणि व्यवस्थापकीय संचालक निलेश दिक्षित यांच्या हस्ते शाल, पुष्पगुच्छ व सन्मानचिन्ह देऊन त्यांचा यथोचित असा सन्मान करण्यात आला. त्यांना तेजस्वी समाजभूषण पुरस्कार मिळाल्यांने सर्वत्र त्यांच्यावर अभिनंदनाचा वर्षाव होत आहे.
