निधीअभावी मागील सहा महिन्यांपासून रखडले होते काम.
विश्वनाथ जांभूळकर एटापल्ली तालुका प्रतिनिधी
महाराष्ट्र संदेश न्युज ! ऑनलाईन एटापल्ली:- मागील सहा महिन्यांपासून निधीअभावी रखडलेल्या एटापल्ली नगरपंचायतीच्या घनकचरा व्यवस्थापन कामाला अखेर यश आले आहे.
राज्यमंत्री तथा गडचिरोली जिल्ह्याचे सहपालकमंत्री आशिष जैयस्वाल यांच्या प्रयत्नांमुळे जिल्हा खनिकर्म योजनेंतर्गत या कामासाठी निधी उपलब्ध झाला आहे. नगरसेवक राघवेंद्र सुल्वावार आणि राहुल कुळमेथे यांनी याबाबत माहिती देताना सांगितले की, निधी अभावी शहरात कचरा उचलणे आणि अत्यावश्यक नालेसफाईची कामे व्यवस्थित होत नव्हती. याची गंभीर दखल घेऊन त्यांनी 30 एप्रिल 2025 रोजी सहपालकमंत्री आशिष जैयस्वाल यांची भेट घेऊन निधी उपलब्ध करून देण्याची मागणी केली होती.
त्यांच्या या मागणीची तात्काळ दखल घेत सहपालकमंत्री यांनी अवघ्या एका महिन्यात म्हणजेच दिनांक 30 मे 2025 रोजी निधी मंजूर केला आहे.यामुळे आता एटापल्ली शहरातील घनकचरा व्यवस्थापनाचे काम सुरळीतपणे सुरू होणार आहे.या महत्त्वपूर्ण कामासाठी निधी उपलब्ध करून दिल्याबद्दल नगरपंचायत प्रशासनाने आशिष जैयस्वाल यांचे आभार मानले.
