मुकेश चौधरी कार्यकारी संपादक
महाराष्ट्र संदेश न्युज ! ऑनलाईन वर्धा:- पोलीस अधीक्षक वर्धा अनुराग जैन यांनी अंमली पदार्थ बाळगणारे व विक्री करणारे गुन्हेगारांवर धडक कारवाई करण्याचे स्थानिक गुन्हे शाखेस आदेशीत केल्याने, त्या अनुषंगाने अंमली पदार्थांची विक्री करणा-या गुन्हेगारांवर कारवाई करण्याची स्थानिक गुन्हे शाखेने धडक मोहिम राबविली असुन, दि. 16 सप्टेंबर 2025 रोजी स्था.गु.शा. वर्धा चे पथक पोलीस स्टेशन समुद्रपुर हद्दीत पेट्रोलिंग करीत असतांना, त्यांना मिळालेल्या गोपणीय माहितीवरून आरोपी रेष्मा मुस्तफा शेख, वय 43 वर्ष, रा. बायपास नाना-नानी पार्क चंद्रपुर हिचेवर मौजा जाम बस स्टॉप परीसर येथे एन.डि.पी.एस. कायद्यान्वये रेड केला असता, आरोपीताजवळील एका ट्रॉलीबॅग व कापडी पिशवीमध्ये गांजा अंमली पदार्थ मिळुन आला. सदर गांजा माल तिने आरोपी रशीद शेख रा. गौतम वार्ड हिंगणघाट याचे सांगणेवरून, मुनीगुडा ओडिसा राज्य येथील आर्यन नावाचा ईसमाकडुन खरेदी केल्याचे निष्पन्न झाल्याने, महिला आरोपीचे ताब्यातुन 8 किलो 387 ग्रॅम गांजा अमली पदार्थ ट्रॉलीबॅग व दोन अॅन्ड्रॉईंड मोबाईलसह जु.कि. 1,99,240 रु चा मुद्देमाल जप्त करून, सर्व आरोपीतांविरूध्द पोलिस स्टेशन समुद्रपुर येथे एनडीपिएस कायद्यान्वये गुन्हा नोंद करण्यात आला आहेत.
सदरची कार्यवाही पोलीस अधिक्षक अनुराग जैन, अपर पोलीस अधीक्षक सदाशिव वाघमारे, यांचे निर्देशाप्रमाणे स्थानिक गुन्हे शाखा जि. वर्धा चे पोलीस निरीक्षक विनोद चौधरी, पो.उपनि. सलाम कुरेशी, पो.अं अरविंद येनुरकर, रोशन निंबोळकर, निलीमा उमक, स्मिता महाजन, रवि पुरोहित, अक्षय राऊत, अभिषेक नाईक, अखिल इंगळे सर्व नेमणुक स्थानिक गुन्हे शाखा वर्धा यांनी केली.
