मधुकर गोंगले, अहेरी तालुका प्रतिनिधी
गडचिरोली:- येथील एका आदिवासी मुला मुली साठी असलेल्या शाळेत एका आदिवासी समाजाचा अल्पवयीन मुलीवर लैंगिक अत्याचार करण्यात आला आहे. या संतापजनक घटना समोर येताच संपूर्ण गडचिरोली जिल्ह्यात एकच खळबळ उडाली आहे. सर्विकडे संताप व्यक्त करण्यात आला आहे. रत्नाकर पिट्टलवार वय 57 वर्ष रा. पारडी पो. कवठी ता. सावली जि. चंद्रपूर असे आरोपीचे नाव आहे.
गडचिरोली येथील आदिवासी एकलव्य मॉडेल स्कुलमधील अल्पवयीन आदिवासी विद्यार्थीनीवर इंग्रजी माध्यमिक आश्रम शाळेच्या कर्मचारी रत्नाकर पिट्टलवार वय 57 वर्ष याने अत्याचार केला ही संतापजनक घटना गुरुवार 5 ऑक्टोबर रोजी घडली. या प्रकरणी आरोपीस गडचिरोली पोलीसांनी रत्नाकर पिट्टलवार याला अटक करुन पोस्को अंतर्गत गुन्हा दाखल केला आहे. तसेच आदिवासी विकास प्रकल्प अधिकारी घोष यांनी रत्नाकर पिट्टलवार याला निलंबित केले आहे.
प्राप्त माहितीनुसार, बुधवार 5 ऑक्टोबर रोजी दुपारच्या सुमारास पिडीत आदिवासी मुलगी ही रोजच्या नाश्ता करण्याकरिता भोजन खोली मध्ये गेली होती ती नाश्ता करून वसतीगृहात परतत येत असतांना एकटी असल्याचा फायदा घेवून आरोपीने तिच्यावर लैगीक अत्याचार केला. पिडीतेने सर्व हकिकत शाळेतील अधीक्षीका यांना सांगीतली असता तात्काळ अधीक्षीका यांनी मुख्याध्यापक व पोलीसांना या संतापजनक घटने बाबत माहिती दिली. शाळेच्या मुख्याध्यापक यांनी सदर प्रकार आदिवासी विकास प्रकल्प अधिकारी यांच्या लक्षात आणून दिली.
पोलीसांनी आरोपीस अटक करुन पोस्को अंतर्गत गुन्हा दाखल केला आहे. तसेच आदिवासी विकास प्रकल्प अधिकारी यांनी या प्रकरणी आरोपीला निलंबित केले आहे. सदर घटनेमुळे मात्र पालक वर्गाकडून मोठ्या प्रमाणात रोष व्यक्त करण्यात येत आहे.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट ला www.maharashtrasandesh.com ला भेट द्या. 9766445348/7385445348
