नाशिक: साडेतीन शक्तीपीठांमध्ये समावेश असलेल्या सप्तशृंगी देवी गडाचा आता विकास होणार.

मानवेल शेळके, नाशिक जिल्हा प्रतिनिधी

नाशिक:- साडेतीन शक्तीपीठांमध्ये समावेश असलेल्या सप्तशृंगी देवी गडाचा विकास आराखडा आधुनिक तंत्रज्ञानावर आधारित सादर करावा, असे आदेश राज्याचे बंदरे व खनिकर्म मंत्री तथा जिल्ह्याचे पालकमंत्री दादाजी भुसे यांनी अधिकार्‍यांना दिले आहे.

जिल्हाधिकारी कार्यालयात गुरुवारी दि.3 झालेल्या बैठकीत ते बोलत होते. यावेळी विभागीय आयुक्त राधाकृष्ण गमे, जिल्हाधिकारी गंगाथरन डी., जिल्हा पोलीस अधीक्षक शहाजी उमाप, निवासी जिल्हाधिकारी भागवत डोईफोडे, जिल्हा नियोजन अधिकारी किरण जोशी, उपवनसंरक्षक पूर्व उमेश वावरे, जिल्हा आरोग्य अधिकारी कपिल आहेर, कळवण तहसीलदार बंडू कापसे, जिल्हा परिषदेचे अतिरिक्त मुख्य कार्यकारी अधिकारी डॉ. अर्जून गुंडे, जिल्हा जलसंधारण अधिकारी हरिभाऊ गिते, नियोजन अधिकारी शशांक कामळे, सप्तश्रृंगी निवासिनी ट्रस्टचे व्यवस्थापक सुदर्शन दहातोंडे, उपव्यवस्थापक भगवान नेरकर, सप्तश्रृंगी गड सरपंच रमेश पवार, नांदुरीचे सरपंच सुभाष राऊत, वणी ग्रामपालिका सदस्य संदीप बेणके आदी उपस्थित होते.

लोकसहभागातून उपाययोजना करा विभागीय आयुक्त गमे
सप्तश्रृंगी गड तिर्थक्षेत्र विकासासाठी यंत्रणांनी स्थानिक पातळीवर सर्वेक्षणातून व लोक सहभागातून विकासाची स्थळे निश्चित करावी. त्यादृष्टीने उपयायोजना कराव्यात. गडावर सांडपाणी प्रकल्प तयार करताना पाणी मोकळे न सोडता प्रक्रियेद्वारे त्याचा ग्रामपंचायतीला पुनर्वापर करता येईल, अशी व्यवस्था करावी. ई-टॉयलेट, बायो-टॉयलेट निर्मिती व त्यांच्या व्यवस्थापनाची जबाबदारीसुद्धा निश्चित करावी.

पालकमंत्र्यांनी केलेल्या सूचना
भाविक व पर्यटकांना अत्याधुनिक मुलभूत व पायाभूत सुविधा देण्यादृष्टीने आराखडा तयार व्हावा रस्त्याचे काँक्रिटीकरण करताना ड्रेनेज लाईनची तोडफोड नको. स्थानिकांची दुकाने एका रांगेत राहतील, याची तरतूद करावी. पिण्याच्या पाण्याची कायमस्वरुपी व्यवस्था करावी जल जीवन मिशन योजनेतून नांदूरी येथील तलावाची क्षमता वाढवा. नांदूर ते गडापर्यंतचा ५ किेमीचा रस्ता, गणपती मंदिर ते वणीगड रस्ता, प्रदक्षिणा मार्ग दुरुस्त करा सीसीटीव्ही, पोलीस स्टेशनचा प्रस्ताव तयार करामोकळ्या जागेत उद्याने तयार करा. पर्यटकांसाठी दिशादर्शक फलक उभारावे.