सौ.हनिशा दुधे, बल्लारपूर तालुका प्रतिनिधी
मो. 9764268694
बल्लारपूर:- स्प्रोटी एरा किड्स एज्युकेशन प्रायव्हेट लिमिटेड दिल्ली वेस्ट, न्यू दिल्ली इंडिया तर्फे घेण्यात आलेल्या राष्ट्रीय लेवल कंटेस्टमध्ये जनता हायस्कूल (डेपो शाखा) बल्लारपूर शाळेचा विद्यार्थी हुजैल तिफैल बकरीदि वर्ग 8 याला “कविता वाचन” याबाबतीत तिसरा क्रमांक प्राप्त झाला. त्याला संस्थेतर्फे ट्रॉफी, मेडल आणि गौरव प्रमाणपत्र प्राप्त झाले आहे. तसेच शेख उजेर शेख आरिफ- चित्र काढणे, अथर्व नितेश हिकरे, सुमित विजय टाक व साहिल कवरपाल डुलगच या तिघांना “कविता वाचन”, अरहान आरिफ शेख- वक्तृत्व तसेच कुमारी श्रावणी प्रवीण मत्ते- गायन आदी कंटेस्ट बद्दल गौरव प्रमाणपत्र प्राप्त झाले आहे.
वरील सर्व विद्यार्थ्यांना शाळेचे शिक्षक श्री. आर. के. वानखेडे यांनी आर्थिक मदत करून कंटेस्टमध्ये भाग घेण्यास प्रवृत्त केले होते. संस्थेतर्फे दि. 18 ऑक्टोंबर 2022 पर्यंत माहिती मागविण्यात आलेली होती आणि याचा निकाल नुकताच जाहीर करण्यात आलेला आहे. शाळेच्या ईमेल आयडीवर ई- सर्टिफिकेट प्राप्त झाले आहे.
जनता हायस्कूल (डेपो शाखा) बल्लारपूरच्या विद्यार्थ्यांनी केलेल्या नेत्रदीपक यशाबद्दल चांदा शिक्षण प्रसारक मंडळ चंद्रपूरचे सचिव डॉ. अशोकराव जीवतोडे, शाळेचे मुख्याध्यापक बी. बी भगत सर तसेच शिक्षक आणि शिक्षकेतर कर्मचारी, पालक वर्ग आणि विद्यार्थी मित्र यांच्याकडून अभिनंदन केल्या जात आहे.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
