✒️प्रशांत जगताप, संपादक
मुंबई,दि.02:- महाराष्ट्र राज्याचे माजी सामाजिक न्याय मंत्री राजकुमार बडोले यांनी महाराष्ट्राचे मुख्यमंत्री एकनाथ शिंदे यांची भेट घेतली. या वेळी त्यांनी बिहार राज्यातील बुद्धगया येथे महाराष्ट्र सदन उभारण्याची मागणी केली. या सदनात सुमारे 500 बौध्द बांधव व भंतेजी राहू शकतील अशी व्यवस्था करावी असेही ते यावेळी म्हणाले.
महाराष्ट्रातील बौद्ध उपासक उपासिका आणि बौद्ध भिक्खू मोठ्या प्रमाणात बुध्दगयेला जातात. तिथे त्यांचे निवासाची सोय होत नाही. ही बाब लक्षात घ्यावी. बुद्धगयेत ५०० बौद्ध अनुयायी व बौद्ध भिक्खू राहु शकतील असे निवासी बांधकाम करण्यात यावे अशी मागणी केली.
वर्षाला 10 लाख महाराष्ट्रातील पर्यंटकांची बुध्दगयेला भेट.
महाराष्ट्रातून दररोज मोठ्या प्रमाणामध्ये बौद्ध भिक्खू, बौद्ध धर्मीय नागरिक गौतम बद्धाच्या पवित्र असा बुध्दगयेला जातात. वर्षाचा आकडा सुमारे दहा लाखांवर असतो. बुद्ध गया येथे तथागत गौत्तम बुद्ध यांना ज्ञान प्राप्ती झाली. त्यामुळे संपुर्ण जगातील बौद्ध धर्मीयांसाठी हे स्थळ अतिशय पवित्र स्थान आहे. मागील अनेक वर्षापासून ही मागणी सातत्याने होत होती. ही बाब लक्षात घेवून माजी सामाजिक न्याय मंत्री राजकुमार बडोले यांनी महाराष्ट्राचे मुख्यमंत्री एकनाथ शिंदे यांच्याशी चर्चा केली.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
