मानवेल शेळके, नाशिक जिल्हा प्रतिनिधी
महाराष्ट्र संदेश न्युज! ऑनलाईन नाशिकरोड:- येथून एक दुर्दैवी घटना समोर आली आहे. सिमेंटची वाहतूक करणाऱ्या आयशर ट्रक खाली एका चार वर्षाच्या बालकाचा दुर्दैवी मृत्यू झाल्याचा प्रकार खरजुल मळा परिसरातील मालधक्का रस्त्यावर घडला. या घटनेमुळे संपूर्ण गावात हळहळ व्यक्त करण्यात येत आहे.
याप्रकरणी नाशिकरोड पोलीस ठाण्यात ट्रक चालकाविरुद्ध गुन्हा दाखल करण्यात आला असून अपघातानंतर ट्रक ड्रायव्हर ट्रकसह फरार झाला.
अपघातात ठार झालेल्या बालकाचे नाव अमित करणजीलाल धुर्वे आहे. अमित त्याच्या काकांकडे गेला होता. त्याला परत घेऊन आणण्यासाठी पायाने अपंग असलेले वडील करंजीलाल दुर्वे हे भावाच्या सायकलवर अमितला घेऊन येत होते. यावेळी खरजुल मळा परिसरातील मालधक्कारोड वरून समोरून येणाऱ्या सिमेंटची वाहतूक करणाऱ्या ट्रकची त्यांच्या सायकलला जबरदस्त धडक बसल्याने अपघात झाला. ट्रकच्या मागील चाकाखाली अमित सापडल्याने त्याचा दुर्दैवी मृत्यू झाला. अपघातानंतर ट्रकचालक ट्रक घेऊन फरार झाला आहे. नाशिकरोड पोलिसांनी अज्ञात ट्रक चालकाविरुद्ध गुन्हा दाखल केला असून वरिष्ठ पोलीस निरीक्षक अनिल शिंदे यांचे मार्गदर्शन खाली सहाय्यक पोलीस निरीक्षक शेळके हे पुढील तपास करत आहे.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
