महेंद्र कदम, संगमनेर तालुका प्रतिनिधी
महाराष्ट्र संदेश न्युज ! ऑनलाईन संगमनेर:- संगमनेर तालुक्यातील आंभोरे ग्रामपंचायत निकालानंतर विद्यमान महसूलमंत्री राधाकृष्ण विखे-पाटील आणि माजी महसूलमंत्री आमदार बाळासाहेब थोरात यांच्या दोन गटांत वादावादी होऊन तुंबळ हाणामारी झाली आहे. यात दोन्ही गटाचे काही कार्यकर्ते जखमी झाले असल्याची माहिती समोर आली आहे.
विद्यमान महसूलमंत्री राधाकृष्ण विखे पाटील यांच्या समर्थकांचे जनसेवा मंडळ आणि माजी महसूलमंत्री आमदार बाळासाहेब थोरात यांच्या शेतकरी विकास मंडळाच्या कार्यकर्त्यांमध्ये ही धुमश्चक्री उडाली. दोन्ही मंडळाकडून एकमेकांच्या विरोधात फिर्यादी देण्यात आल्या असून, तालुका पोलिसांनी दोनही गटांच्या 30 जणांवर गुन्हा दाखल केला आहे.
जनसेवा मंडळाचे सचिन संपत खेमनर यांनी दिलेल्या फिर्यादीवरून नारायण सहादू खेमनर, रंगनाथ सहादू खेमनर, हरिभाऊ सहादू खेमनर, सहादू दामू खेमनर, राधा दामू खेमनर, शरद राघू खेमनर, बाळासाहेब दगडू खेमनर, दगडू बिरू खेमनर, भरत राघू खेमनर, भास्कर गोविंद जऱहाड, कोंडाजी हनुमंत वाघमोडे, नारायण कोंडाजी वाघमोडे व बाळासाहेब दगडू खेमनर, शुभम भास्कर जऱहाड यांच्यावर गुन्हा दाखल करण्यात आला आहे.
शेतकरी विकास मंडळाच्या कोमल शरद खेमनर यांनी दिलेल्या फिर्यादीवरून श्रावण गोविंद खेमनर, प्रकाश गणपत खेमनर, संपत गोविंद खेमनर, सचिन संपत खेमनर, अक्षय श्रावण खेमनर, अशोक गोविंद खेमनर, गणपत गोविंद खेमनर, अजय अशोक खेमनर, योगेश संपत खेमनर, अभय श्रावण खेमनर, ज्योतिबा नामदेव जगन्नर, पंढरीनाथ गंगाराम वाघमोडे, नारायण गंगाराम वाघमोडे, मंगल संपत खेमनर, गोविंद सखाराम खेमनर, सविता अशोक खेमनर, दीपाली प्रकाश खेमनर व अनुराधा सचिन खेमनर यांच्यावर गुन्हा दाखल करण्यात आला आहे.
शुभम जऱहाड याने मंगळवारी सायंकाळी सचिन खेमनर यांचा चुलतभाऊ प्रकाश खेमनर याला शेतकरी विकास मंडळाकडून उमेदवारी करणाऱया दगडू खेमनर यांचा पराभव झाल्याचा राग मनात धरून धक्काबुक्की करत मारहाण केली होती. तर, त्याच्यासोबत असलेल्या बाळासाहेब खेमनर याने जीवे मारण्याची धमकी देत शिवीगाळ केली. त्याचवेळी त्यांच्या इतर साथीदारांनी चुलतभाऊ, चुलत्यांना शिवीगाळ, दमदाटी करीत लाथा बुक्क्यांनी, काठीने व कटरने वार करून ठार मारण्याची धमकी दिली. या फिर्यादीवरून संगमनेर तालुका पोलिसांनी गुन्हा दाखल केला आहे.
कोमल खेमनर यांचा दिर नारायण खेमनर यांचा ग्रामपंचायत निवडणुकीत विजय झाल्यानंतर दुपारी ते गावातील मारुती मंदिरासमोर उभे होते. त्यावेळी श्रावण खेमनर व प्रकाश खेमनर यांनी तेथे येत त्यांना दमदाटी करीत शिवीगाळ केली. त्यानंतर कोमल खेमनर या आपली जाव व सासऱयासोबत दुचाकीवरून जनावरांना चारा आणण्यासाठी जात असताना वरील आरोपींनी कोमल यांच्यासह त्यांचे पती शरद, दिर नारायण, चुलत सासरे सहादू व सासरे राधू यांना शिवीगाळ, दमदाटी करीत लाथाबुक्क्यांनी व काठीने बेदम मारहाण केली. यात कोमल यांच्या कानातले झुबे व सोन्याचे गंठणही गहाळ झाले. या फिर्यादीनुसार पोलिसांनी गुन्हा दाखल केलेला आहे.
